-
Derrota ante o líder da categoría no partido aprazado da xornada 17.
-
Os nosos estiveron preto de conseguir o empate.
Partido correspondente á xornada 17ª do Grupo Pontevedra de 2ª Futgal na que o Moraña recibiu ao S.D. Amanecer.
Venres de fútbol no campo de O Buelo que enfrontaba ao Moraña contra o Amanecer. O partido comezaba con tanteo entre os dous equipos, buscando a maneira de chegar á portería contraria. Foron varios minutos nos que as defensas lles gañaron a partida aos ataques posto que ningún dos dous porteiros tivo que intervir. Tivo que ser a balón parado a maneira de abrir o marcador. No minuto 33 os visitantes lograron marcar gol cun testarazo á saída dun córner.
Na segunda parte o Moraña saíu ao ataque buscando o gol do empate. Pero un mal entendemento entre o porteiro e a defensa aproveitouno o dianteiro do Amanecer para anotar o 0-2. Os nosos non se deron por vencidos e continuaron insistindo nos ataques. A oportunidade do empate chegou cun penalti pero o lanzamento de Breno saíu por riba do longueiro. A pesares diso, foi o propio Breno o que lograría reducir distancias logo dun disparo axustado á base do poste. Co marcador final de 1-2 o árbitro sinalou o remate do encontro.
FICHA TÉCNICA
Moraña C.F.: Henrico Medeiros, Gustavo de Aguiar, Anxo Domínguez (David García, 46′), Rubén Candal, Paulo Miote, Javier Pazos, Rodrigo Cor (Ousmane Sene, 59′), Damián Pereira, Kevin Rodrigues, Breno Santos e Emanuel Cordeiro (Domi García, 59′).
S.D. Amanecer: Alejandro Lino, Hugo Dopico, Alejandro Otero, Xabier Otero (Alexis Velazco, 55′), Saúl Barbeito (Alejandro Torres, 86′), Daniel Caneda, Nicolás Doval, Martín Prol, Álex Fernández (Iago Curra, 86′), Álex Feijoó (Samuel García, 76) e Zakariya Brikat (Iván Dadín, 76′).
Goles: 0-1 Daniel Caneda (min. 33), 0-2 Saúl Barbeito (min. 53), 1-2 Breno Santos (min. 75).
Árbitro: Carlos García Dasilva. Amonestou a Kevin Rodrigues, Paulo Miote, Rubén Candal e Emanuel Cordeiro por parte do Moraña. Por parte do Amanecer amonestou a Álex Feijoó, Alexis Velazco e Alejandro Otero.
