O Moraña C.F. presenta a Oitava Edición da MorañaCUP, que se disputará os vindeiros 17 e 18 de Maio no Campo de O Buelo. Ao igual que na edición anterior, as categorías que participarán serán PREBENXAMÍNS, BENXAMÍNS E ALEVÍNS, todos en modalidade de F8.

Vannos visitar 13 clubs, aos que o Moraña C.F. agradece a súa participación. Estes clubs invitados son a  A.C.D. A Seca, A.J. Lérez, Atlético Cuntis C.F., Barro C.F., Caldas C.F., C.D. Arcade, C.D. Ribadumia, C.F.B. Poio, Juv. Cambados, S.D. Monteporreiro, Pontevedra C.F., San Martín C.F. e S.D Puentearnelas.

Deixamos aquí o cadro de competición das distintas categorías e o desenvolvemento do Torneo durante os dous días de competición

INFORMACIÓN E NORMAS DA COMPETICIÓN

Pódense consultar as normas e información sobre a competición neste enlace.

A MorañaCUP xógase en 3 categorías distintas, en formato de F8 e coas seguintes normas:

• Todos os partidos serán de 25 minutos a tempo corrido.
• A clasificación nos grupos guiarase pola suma de puntos (3 vitoria, 1 empate, 0 derrota).
  En caso de empate a puntos, manda o resultado directo entre os equipos empatados. Se non se resolve, mirarase o golaverage xeral. En caso de non resolverse miraranse os resultados dos penaltis entre os equipos empatados.
  Despois de cada partido tiraranse 3 penaltis.
  Nos cruces soamente se tirarán penaltis en caso de empate.

NORMAS XERAIS

– Os equipos poden inscribir a 15 xogadores por categoría. Debe entregarse un listado á organización ao comezar o Torneo, e os xogadores non poden cambiar de dorsal.

– A MorañaCUP contará con árbitros federados. As normas de xogo serán as da RFGF no que respecta a F8.

– Un xogador expulsado nun encontro, non poderá participar no inmediatamente seguinte. Se o motivo da expulsión é debido a unha acción antideportiva, este xogador non poderá volver a ser aliñado na MorañaCUP.