-
Nova goleada dos nosos no partido aprazado da xornada 11.
-
Con este resultado colocámonos nos postos que dan acceso á fase de ascenso.
Xornada 11ª do Grupo Pontevedra de 2ª Futgal na que o Moraña visitou Vilagarcía para a disputa do partido fronte ao Atl. Faxilde.
O Moraña visitaba o campo do Atl. Faxilde para xogar o partido adiado da xornada 11. Os nosos fixéronse rapidamente co dominio do encontro, e no minuto 7 chegaría o primeiro gol da noite. Mediada a primeira metade, o Moraña conseguiu duplicar a distancia no marcador, pero o Faxilde logrou recortar distancias xusto antes do descanso. Co 1-2 o árbitro asubiou o final dos primeiros 45 minutos.
Xa na segunta parte, o Faxilde fixo cambios tratando de buscar o gol do empate. Os nosos defenderon ben a súa portería e conseguiron marcar o terceiro gol, que nos fixo gañar en confianza. O cuarto e quinto gol chegarían nos últimos minutos do encontro xa co equipo local sen crer nas opcións de sacar algo positivo deste partido.
Os nosos logran, con este resultado, asomarse aos postos altos da táboa clasificatoria. Imos Moraña!
FICHA TÉCNICA
Atl. Faxilde: Aarón Santamaría, Andrés Mauricio Caicedo, Alejandro Torres, Ramón Prieto, Borja González (Diego Arosa, 65′), Daniel Rodríguez (Pedro Lojo, 65′), Samuel Piñeiro (Hugo Lemos, 58′), David Barcala, José Carlos Sineiro, Pablo Iglesias (David Tomé, 52′) e Joel Laya (Pedro Arias, 52′).
Moraña C.F.: Henrico Medeiros, Gustavo de Aguiar, Manoel Agustini (Rodrigo Cor, 60′), Rubén Candal (André García, 88′), Paulo Miote, David García, Javier Pazos, Damián Pereira, Breno Santos, Emanuel Cordeiro (Raúl Fernández, 82′) e Levi Pereira (Ousmane Sene, 88′).
Goles: 0-1 Breno Santos (min. 7), 0-2 Javi Pazos (min. 32), 1-2 Andrés Mauricio (min. 45), 1-3 Rodrigo Cor (min.72), 1-4 Levi Pereira (min. 82), 1-5 Rodrigo Cor (min. 88)
Árbitro: Julio Doval Taín. Amonestou a David Barcala por parte do Atl. Faxilde. Por parte do Moraña os amonestados foron Rubén Candal e Javi Pazos.
