O equipo Alevín do Moraña C.F. recibía na mañán de hoxe ao Arosa S.C. na décima xornada de liga alevín, no que prometía ser un encontro difícil, xa que o os vilagarcianos son o lider destacado da categoría.
Pronto se refrendou esta situación ligueira no campo, xa que no minuto dous, Hugo facía o primeiro, e no 13 Samuel xa adiantaba ao Arosa por 0 a 2. Os nosos facían o que podían ante un equipo que xogaba a un ritmo superior, movendo ben o balón, buscando os espazos e cun xogo combinativo moi bo.
Chegouse ao descanso con 0 a 5. No segundo tempo, os morañeses tentaron entrar no partido, tocando algo máis o balón e igualando en intensidade ao rival, pero o marcador xa pesaba, logrando os arosanos 5 goles máis neste segundo periodo.
Nada que reprochar aos nosos alevíns, que pelexaron ante un grandísimo equipo que demostrou o por qué da súa situación na táboa. A seguir traballando e a polo seguinte encontro!
FICHA TÉCNICA
Moraña C.F. 0 – 10 Arosa S.C.
Moraña C.F.: André, Dani Fontán, Anxo, Mouriño, Amestoy, Alex, Domi, Yoel, Mateo, Álvaro, Jonathan, Abel, Óscar, Rubén, Juanma
Arosa S.C.: David, Isaac, Rodrigo, Pedro, César, Hugo, Roi, Jose, Fabio, Pablo, óscar, Jaime, Samuel, Carlo.
Goles: 0-1 Hugo (minuto 2); 0-2 Samuel (minuto 13); 0-3, Hugo (minuto 22); 0-4 Pablo (minuto 24); 0-5 Carlo (minuto 28); 0-6 Hugo (minuto 36); 0-7 César (minuto 39); 0-8 Carlo (minuto 56); 0-9 José (minuto 65); 0-10 Hugo (minuto 69)
