Moi boa experiencia a vivida na mañan de onte no Pavillón Municipal de Moraña por parte das seccións Biberóns do Moraña C.F. e o Portero 2.000.

Os dous equipos xogaron un partido amigable composto por dúas partes de 20 minutos, nas que os máis pequenos fixeron as delicias dos asistentes, con momentos de bo fútbol e partes nas que igualdade reinou. Marcou a diferencia o Moraña en momentos puntuais que lle permitiron escaparse no marcador, pero ambos os dous conxuntos rendiron a bo nivel.

Sen máis, un paso máis na evolución dos máis peques, que seguen a preparar a Liga de Poio que comezará nas vindeiras semanas.