Moi mal partido dos nosos Veteranos o xogado na tarde-noite de onte na Lanzada. O equipo de Germán Rúa non entrou no encontro en ningún momento, pecando de imprecisións, falta de ritmo e contínuos erros que facían imposible trenzar o xogo.

Non hai excusas de fondo de plantilla nin de baixas para a tarde de onte, xa que ata 16 xogadores se desplazaron para a disputa deste partido, pero nin con cambios nin permutas se lle puido sacar nada a esta viaxe.

Comezaron achuchando os locais, que tiveron varias ocasións nos primeiros minutos aproveitando erros defensivos e a desconexión total entre a xeración de xogo e a zona de ataque dos morañeses, pero unhas veces as rectificacións dos defensas, as paradas de Óscar e a sorte, facía que non se movera o marcador. Foi entrando paulatinamente o Moraña no partido, pero aínda así, non tiveron ningunha ocasión clara nos primeiros 45 minutos e a mellor noticia era que se chegaba con empate a cero ao descanso.

Tralo paso por vestiarios e movendo o banquillo, os morañeses reaccionaron e comezaron a xerar perigo e a facerse dominadores. Tivo Nico dúas opcións claras que non materializou, e Santiño outro tiro cruzado que tampouco atopou portería. Foi nos últimos minutos onde por fin o Noalla abría o marcador, nun balón largo á espalda da defensa no que o dianteiro leva o balón en falta, e bate no man a man a Rafa. Con este 1 a 0 e tan pouco tempo, lanzáronse os nosos ao ataque á desesperada, e co equipo volcado en ataque, facían os da Lanzada o segundo no desconto.

En resumo, mal partido e toque de atención para os nosos abuelos que deben mellorar tanto en xogo como en actitude para voltar á senda da victoria. Ánimo e a seguir loitando.

FICHA TÉCNICA

Noalla Veteranos 2 – 0 Moraña Veteranos

Moraña C.F.: Óscar Río, Juan, Toño, Yeyo, Fuentes, David, Óscar Barros, Sayáns, Eloy, Santiño, Nico, Ventura, Mario Costas, Celso, Rafa Sierra e Velay.